La Rumantschia e la religiun

(Leserbrief an die Engadiner Post / Posta Ladina, Mai 2009)

La Rumantschia e la religiun

La dumanda scha l´initiativa d´etica vain acceptada o refüsada es eir üna fatschenda chi reguarda elementarmaing la cultura da la Rumantschia e si´incletta da sia stessa.

Perche l´instrucziun religiusa es statta da vegl innan ün portader important da la lingua rumantscha in möd ch´ella ha promovü l´expressiun dad impissamaints fundamentals davart il sen ed il minz da la vita.

Es per exaimpel il coral engiadinais pensabel sainza ün ram concret illa scoula, i´l qual las chanzuns vegnan impraisas dal pitschen insü ?

La perdita da quist “lö da trenadi” nu pudess gnir compensada cun ün ram neutral e teoretic aviand nom “etica”. Id es giavüschabel cha la Rumantschia as sdruaglia amo a dret temp.

David Last, Puntraschigna